Ispaniya chempionati 17-turida "Barselona" safarda "Osasuna" mehmoni bo‘ldi. O‘yin 2:2 hisobida yakuniga yetdi.
Uchrashuv yakunlanganidan so‘ng bir guruh Kataloniya klubi muxlislari jamoa prezidenti Joan Laportani qattiq qoralashdi. Ular klubning natijalaridan norozi ekanliklarini bildirishdi, shuningdek muxlislarning ayrimlari prezidentni haqorat qilishdi, deya xabar berdi "Sport.es".
Laporta ishqibozlarning shikoyatiga javob berishga urinib ko‘rdi va bir necha daqiqadan so‘ng mashinada stadionni tark etdi.
