"Lester Siti" futbolchisi Jeyms Meddison "Nyukasl"ga qarshi bahsdan keyin o‘z fikrlari bilan o‘rtoqlashdi. U shunday deydi:
"Biz Yevropa ligasidan yaqinda qaytgan edik. Shunga qaramay, charchoq bilan bo‘lsada, o‘yin o‘tkazdik. Kamiga, bizda koronavirus bilan bog‘liq muammolar ham bor edi. Ammo o‘yindan xursandmiz. Chunki men assist, gol hamda penalti hosil qila oldim. Qolaversa, darvozamiz dahlsiz qoldi. Bu insonni quvontiradi".
Eslatib o‘tamiz, "tulkilar"ning keyingi uchrashuvi "Tottenxem"ga qarshi kechadi.
