Madridning «Real» klubi direktori Emilio Butragenyo Chempionlar ligasi 1/8 finaliga qayta qur’a tashlanganidan noroziligini bildirdi.

Birinchi qura natijasiga ko‘ra, «qaymoqranglilar» «Benfika» bilan to‘qnash kelgandi. Ikkinchi quradan keyin esa PSJ 1/8 finalda «Real»ning raqibiga aylandi.

«Bu hayratlanarli hodisa, qura tashlashni kutayotgan millionlab muxlislar, shuningdek, butun sport olami uchun tushunish juda qiyin bo‘lgan voqelik.

PSJ? Ushbu turnir muxlislarimiz uchun nimani anglatishini tushunib turibmiz, uchrashuvni ishtiyoq bilan kutmoqdamiz.

Raqiblarning kuchini va futbolchilarining saviyasini tushunamiz, ammo ikkita ajoyib o‘yin o‘tkazishimizga ishonchimiz komil. Chorak finalga chiqamiz degan umiddaman», — deydi Butragenyo.