O‘zbekiston sport faxriylari kengashi sport turlarida uzoq yillar samarali faoliyat olib borgan fidoyilarning mehnatlarini munosib rag‘batlantirishda davom etadi. Bu gal boks faxriylari e’tibor markazida bo‘ldi.

Bugun Kengash raisi Bahodir Maxsitov boks bo‘yicha terma jamoamiz bosh murabbiyi Marat Qurbonov, shuningdek, Rinat Yusupov, Najib Arslonov, Obidjon Zokirov kabi umrining asosiy qismini o‘zbek boksi rivojiga bag‘ishlagan, jahon arenalarida yurtimiz sharafini munosib himoya qilgan shogirdlarni yetishtirgan 15 nafar fidoyilarga “O‘zbekiston sport faxriysi” ko‘krak nishonlarini topshirdi.

Yakunda faxriylarimiz hukumatimiz va davlatimizning ko‘rsatayotgan bunday e’tiboridan mamnun ekanliklarini aytib, keyinchalik ham boksimiz rivoji yo‘lida o‘z xizmatlarini ayamasdan safarbar etishga tayyor ekanliklarini ta’kidladilar.