Bugun UEFA millatlar ligasining navbatdagi mavsumi uchun qur’a tashlash marosimi bo‘lib o‘tadi. Tadbir Toshkent vaqti bilan 22:00da boshlanadi. Musobaqa va qur’a jarayoni haqida ma’lumot berib o‘tamiz.
Nechta jamoa?
Millat ligasi-2022/23da UEFAga a’zo 55ta terma jamoa ishtirok etadi. Avvalgi natijalarga qarab ular 4ta ligaga ajratilashadi. Ayni paytda 51ta mamlakatning qaysi ligada ishtirok etishi aniq bo‘lgan. To‘rtta jamoa esa o‘zaro pley-off bosqichi orqali "C" yoki "D" ligada qatnashishiga oydinlik kiritishadi. Xususan, mart oyida Qozog‘iston Moldova bilan, Kipr esa Estoniya bilan to‘qnash keladi.
Savatchalar tarkibi qanday?
"A" LIGA
1-savatcha: Fransiya, Ispaniya, Italiya, Belgiya.
2-savatcha: Portugaliya, Niderlandi, Daniya, Germaniya.
3-savatcha: Angliya, Polsha, Shveysariya, Xorvatiya.
4-savatcha: Uels, Avstriya, Chexiya, Vengriya.
"B" LIGA
1-savatcha: Ukraina, Shvesiya, Bosniya va Gersegovina, Islandiya.
2-savatcha: Finlyandiya, Norvegiya, Shotlandiya, Rossiya.
3-savatcha: Isroil, Ruminiya, Serbiya, Irlandiya.
4-savatcha: Sloveniya, Chernogoriya, Albaniya, Armaniston.
"C" LIGA
1-savatcha: Turkiya, Slovakiya, Bolgariya, Shimoliy Irlandiya.
2-savatcha: Gresiya, Belarus, Lyuksemburg, Shimoliy Makedoniya.
3-savatcha: Litva, Gruziya, Ozarboyjon, Kosovo.
4-savatcha: Qozog‘iston/Moldova, Kipr/Estoniya, Gibraltar, Farer orollari.
"D" LIGA
1-savatcha: Qozog‘iston/Moldova, Kipr/Estoniya, Lixtenshteyn, Malta.
2-savatcha: Latviya, San-Marino, Andorra.
Qur’a tartibi
"A", "V" va "C" ligalarda 16ta terma jamoa 4tadan guruhga bo‘linishadi. Faqatgina "D"da 2ta guruh bo‘ladi: ularning birida 4ta, ikkinchisida 3ta jamoa o‘rin oladi.
Millatlar ligasi formati
Terma jamoalar 2022 yilning iyun (4ta tur) va sentyabr (2ta tur) oylarida guruhdagi raqiblari bilan "uy-safar" tizimida ikki martadan to‘qnash kelishadi.
"A" ligasida guruh peshqadamlariga aylangan jamoalar musobaqaning final bosqichida ishtirok etishadi. Final bosqichi 2023 yilning iyun oyida bo‘lib o‘tadi. "B", "C" va "D" ligalarida guruh g‘olibiga aylangan jamoalar yuqori ligaga ko‘tarilishadi.
"A" va "B" ligalarida guruh bosqichida so‘nggi pog‘onani egallagan termalar pastki ligaga tushib ketishadi. "C" ligasi guruhlarida so‘nggi o‘rinni egallagan jamoalar 2024 yilning mart oyida o‘zaro pley-off bosqichi orqali pastki tushib ketadigan 2ta jamoaning nomiga oydinlik kiritishadi.
Millatlar ligasi taqvimi
Saralash bosqichi
1 va 2-turlar: 2-8 iyun 2022 yil
3 va 4-turlar: 8-14 iyun 2022 yil
5 va 6-turlar: 22-27 sentyabr 2022 yil
Final bosqichi
Yarim final: 14 va 15 iyun 2023 yil
Final va 3-o‘rin uchun bahslar: 18 iyun 2023 yil
"C" liga vakillari uchun o‘tish bahslari: 21-23 va 24-26 mart 2024 yil
