"Arsenal"ning sobiq futbolchisi Martin Kioun "Vest Xem" ustidan qozonilgan g‘alabaga baho berdi. U bu haqida shunday deydi:

"Kechagi o‘yin shuni ko‘rsatdiki, Obameyangdan olib qo‘yilgan sardorlik bog‘ichi jamoaga ta’sir ko‘rsatmagan. Yana yoshlar old chiziqda o‘z faolligini namoyish etishdi. Masalan, Martinellining o‘yinlarini ko‘rish, neytral muxlisga ham zavq bag‘ishlaydi. Men uning harakatlariga qoyil qoldim. Smit-Rou esa har doimgi ishini qildi.

U bu mavsumda fantastik harakat qilmoqda. Menimcha, uning goli Artetaga "men futbol o‘ynashni istayman, asosiyda tushishim kerak" degan signalni berdi. Shunday qilib, asosiy tarkib uchun raqobat o‘sib bormoqda. Bu esa umumiy miqyosda jamoaning o‘sishini ta’milaydi".

Eslatib o‘tamiz, "Arsenal"ning keyingi bahsi safarda, "Lids"ga qarshi kechadi.