"Арсенал"нинг собиқ футболчиси Мартин Киоун "Вест Хэм" устидан қозонилган ғалабага баҳо берди. У бу ҳақида шундай дейди:

"Кечаги ўйин шуни кўрсатдики, Обамеянгдан олиб қўйилган сардорлик боғичи жамоага таъсир кўрсатмаган. Яна ёшлар олд чизиқда ўз фаоллигини намойиш этишди. Масалан, Мартинеллининг ўйинларини кўриш, нейтрал мухлисга ҳам завқ бағишлайди. Мен унинг ҳаракатларига қойил қолдим. Смит-Роу эса ҳар доимги ишини қилди.

У бу мавсумда фантастик ҳаракат қилмоқда. Менимча, унинг голи Артетага "мен футбол ўйнашни истайман, асосийда тушишим керак" деган сигнални берди. Шундай қилиб, асосий таркиб учун рақобат ўсиб бормоқда. Бу эса умумий миқёсда жамоанинг ўсишини таъмилайди".

Эслатиб ўтамиз, "Арсенал"нинг кейинги баҳси сафарда, "Лидс"га қарши кечади.