Kecha APLning 18-turi doirasidagi bahsda «Lids» o‘z maydonida «Arsenal»ni qabul qildi.
Uchrashuv Lidsdagi «Elland Roud» stadionida bo‘lib o‘tdi va mehmonlarning 4:1 hisobidagi g‘alabasi bilan yakunlandi.
Uchrashuvdan so‘ng «Lids» muxlislaridan biri London jamoasi o‘yinchilariga nisbatan irqchilikka oid qo‘shiqlar aytgani uchun hibsga olindi.
«Lids» rasmiy sayti bu borada bayonot berdi:
«Arsenal»ga qarshi o‘yinning birinchi bo‘limidagi irqchilik bo‘yicha tekshiruvlar davom etadi. Ushbu ayblov yuzasidan bir kishi hibsga olingan.
«Lids» irqchilikka toqat qilolmaydi. Bunga oid so‘zlarni ishlatadigan har qanday muxlisning «Lids» o‘yinlariga tashrif buyurishi mumkin emas.
