Italiya chempionatining 18-turidan o‘rin olgan "Atalanta" – "Roma" (1:4) uchrashuviga oid qiziqarli fakt va statistikalar bilan tanishing.
– Temmi Abraham joriy mavsum “Roma” safidagi 23 o‘yinda 12 ta gol va 4 ta assistga muallif bo‘ldi. U so‘nggi 6 o‘yinda 7 ta gol urdi;
– “Atalanta” A Seriya doirasida 3 oktyabrdan beri ilk bor mag‘lubiyatga uchradi. 2,5 oy avval Gasperini shogirdlari “Milan”ga yengilgandi;
– “Roma” 2018-yilning fevralidan beri ilk bor A Seriyada uchrashuvning 1-daqiqasidayoq gol urdi. O‘shanda Jengiz Under 43-soniyada gol urgandi;
– Eldor Shomurodov o‘zi harakat qilgan 21 daqiqa davomida 13 marta to‘pga tegindi. Shuningdek, uzatma aniqligi — 50% (4), havodagi kurash — 2 (2), o‘tkir uzatma — 1, to‘pni uzoqlashtirish — 1, to‘pni oldirib qo‘yish — 7;
– A Seriya tarixida ilk bor ikki ingliz futbolchisi bir o‘yinda gol urdi. Rimliklarning A Seriyadagi so‘nggi 6 ta golidan 4 tasiga Abraham va Smolling muallif bo‘ldi.
