"Barselona" yarim himoyachisi Gavi tez orada klub bilan shartnomasini uzaytiradi. "Marca" nashri xabariga ko‘ra, yangi shartnoma besh yilga mo‘ljallangan bo‘ladi.

Unga ko‘ra, 17 yoshli yarim himoyachining maoshi yildan-yilga oshib boradi.

Shu bilan birga, 50 million yevro tovon puli haqidagi band olib tashlanadi. Oldinroq, "Barsa" tovon puli miqdorini bir milliard qilib belgilamoqchi ekani xabar qilingandi, biroq yangi shartnomada bunday shart paydo bo‘ladimi yoki yo‘qmi hozircha ma’lum emas.

Gavi joriy mavsumda barcha turnirlarda 21 ta o‘yin o‘tkazib, 1 ta gol va 3 ta golli uzatmaga mualliflik qilgan.