"Барселона" ярим ҳимоячиси Гави тез орада клуб билан шартномасини узайтиради. "Marca" нашри хабарига кўра, янги шартнома беш йилга мўлжалланган бўлади.
Унга кўра, 17 ёшли ярим ҳимоячининг маоши йилдан-йилга ошиб боради.
Шу билан бирга, 50 миллион евро товон пули ҳақидаги банд олиб ташланади. Олдинроқ, "Барса" товон пули миқдорини бир миллиард қилиб белгиламоқчи экани хабар қилинганди, бироқ янги шартномада бундай шарт пайдо бўладими ёки йўқми ҳозирча маълум эмас.
Гави жорий мавсумда барча турнирларда 21 та ўйин ўтказиб, 1 та гол ва 3 та голли узатмага муаллифлик қилган.
