«PSJ» himoyachisi Markinyos Liga 1 doirasidagi «Loryen» bilan o‘yindan so‘ng (1:1) parijliklarning 91-daqiqada urgan goli haqida fikr bildirdi.
«Bu mo‘’jiza emas, biz ishladik, harakat qildik. To‘pga yaxshiroq egalik qildik.
Raqib xatolarimizni va qarshi hujumga o‘tish imkoniyatini kutgan holda orqaga chekindi. Ular hisobni ochishga muvaffaq bo‘lishdi, ko‘proq gol urishlari ham mumkin edi.
Ammo ikkinchi bo‘limda ozchilik bo‘lib o‘ynagan bo‘lsak ham, mag‘lubiyatdan qutula oldik. Tanaffusga qadar bizda ham imkoniyatlar bo‘ldi va agar gol urganimizda, bu o‘yinning borishini o‘zgartirgan bo‘lardi», - deydi Markinyos.
