«ПСЖ» ҳимоячиси Маркиньос Лига 1 доирасидаги «Лорьен» билан ўйиндан сўнг (1:1) парижликларнинг 91-дақиқада урган голи ҳақида фикр билдирди.

«Бу мўъжиза эмас, биз ишладик, ҳаракат қилдик. Тўпга яхшироқ эгалик қилдик.

Рақиб хатоларимизни ва қарши ҳужумга ўтиш имкониятини кутган ҳолда орқага чекинди. Улар ҳисобни очишга муваффақ бўлишди, кўпроқ гол уришлари ҳам мумкин эди.

Аммо иккинчи бўлимда озчилик бўлиб ўйнаган бўлсак ҳам, мағлубиятдан қутула олдик. Танаффусга қадар бизда ҳам имкониятлар бўлди ва агар гол урганимизда, бу ўйиннинг боришини ўзгартирган бўларди», - дейди Маркиньос.