«Atletiko» bosh murabbiyi Diyego Simeone klubga kelganiga 10 yil to‘lgani munosabati bilan jamoa muxlislariga murojaat yo‘lladi.

"Hurmatli, «Atletiko» Madrid muxlislari! Men bosh murabbiy etib tayinlanganimga 10 yil bo‘ldi. Men ilk kunlardanoq qo‘llab-quvvatlab turganingiz uchun sizga minnatdorchilik bildirmoqchiman. Birga o‘tkazgan lahzalarimizni eslamaslikning iloji yo‘q.

Shuningdek, men istagan futbolni maydonda qanday namoyish etishni bilgan futbolchilarga ham rahmat aytaman. Ular tufayli biz hayajonlandik va bizni jamoadan faxrlanishga majbur qilishdi.

Murabbiylik faoliyatim davomida menga hamrohlik qilgan barchaga, shuningdek, biz bilan bir yo‘ldan yurgan klub xodimlariga minnatdorchilik bildiraman.

"Hozirda biz natija nuqtai nazaridan qiyin pallani boshdan kechiryapmiz. Sizga shuni aytmoqchimanki, biz barchamiz — ishqibozlar, futbolchilar, murabbiylar shtabi o‘z maqsadimiz uchun kurashishda davom etamiz! Men faqat bitta narsani bilaman — ish va mehnat! Barchani bayram bilan tabriklagan holda sog‘liq tilab qolaman!", — deya yozdi Diyego Simeone.