Sud "Liverpul"ning sobiq futbolchisi Deniyel Starrijni 2019 yilda yo‘qolgan itini topgan odamga 22 400 funt sterling (taxminan 30 000 dollar) to‘lashga majbur qildi.
Starrij o‘zining sevimli Luchchi nomli iti g‘oyib bo‘lganidan so‘ng ijtimoiy tarmoqlarda e’lon bergan edi. Unda futbolchi uy hayvonini topgan kishiga katta mukofot va’da qilgan. Ammo itni topib olgan Foster Vashington ismli shaxs may oyida sudga murojaat qilib, Starrij unga va’da qilingan pulni hali ham to‘lamaganini da’vo qilgan.
Sud barchasini o‘rganib chiqib, Starrijga va’da qilingan summani to‘lashni buyurdi.
Ma’lumot uchun, “Chelsi”, “Manchester Siti” va “Liverpul” klublarining sobiq futbolchisi Starrij hozirda Avstraliyaning “Pert Glori” klubida to‘p surmoqda.
