Суд "Ливерпуль"нинг собиқ футболчиси Дэниел Старрижни 2019 йилда йўқолган итини топган одамга 22 400 фунт стерлинг (тахминан 30 000 доллар) тўлашга мажбур қилди.
Старриж ўзининг севимли Луччи номли ити ғойиб бўлганидан сўнг ижтимоий тармоқларда эълон берган эди. Унда футболчи уй ҳайвонини топган кишига катта мукофот ваъда қилган. Аммо итни топиб олган Фостер Вашингтон исмли шахс май ойида судга мурожаат қилиб, Старриж унга ваъда қилинган пулни ҳали ҳам тўламаганини даъво қилган.
Суд барчасини ўрганиб чиқиб, Старрижга ваъда қилинган суммани тўлашни буюрди.
Маълумот учун, “Челси”, “Манчестер Сити” ва “Ливерпуль” клубларининг собиқ футболчиси Старриж ҳозирда Австралиянинг “Перт Глори” клубида тўп сурмоқда.
