Belgiya terma jamoasi bosh murabbiyi Roberto Martines "Real" futbolchisi Eden Azarning o‘yin amaliyotiga ega bo‘lmayotganidan xavotirda ekanligini bildirdi.
«Albatta, kam o‘yin amaliyotiga ega bo‘layotgani xavotirga solmoqda, chunki bu Azar uchun yangi sinov. U hech qachon bunday vaziyatda bo‘lmagan, aynan shu sababli Edenga qiyin bo‘lishi mumkin», — dedi Martines Mundo Deportivo bilan suhbatda.
30 yoshli Azar 2019 yilning yozida "Real" klubiga 115 million yevro evaziga "Chelsi"dan ko‘chib o‘tgandi. 56 ta uchrashuvda maydonga tushgan belgiyalik futbolchi 5 ta gol kiritdi va 9 ta golga assistentlik qildi. Azarning "Real" bilan 2024 yilgacha shartnomasi mavjud. Transfermarkt portali uning transferi narxini 25 million yevro atrofida baholamoqda.