"Chelsi" futbolchisi Kallum Xadson-Odoi "Aston Villa"ga qarshi o‘yindan keyin o‘z fikrlari bilan o‘rtoqlashdi. U shunday deydi:
"O‘yinimizdan xursandman. Biz nima qilish kerakligini bilar edik va shunga qarab harakat qildik. Birinchi bo‘lim juda murakkab kechdi. Ikkinchisi esa bizning foydamizga xizmat qildi. Raqib darvozasi oldida sovuqqonlik bilan harakat qildik. Romeluning harakatlari esa bizga katta ishonch berdi. U har doimgidek yuqori darajada. O‘yin juda ham ochiq kechdi. Ammo biz o‘z maqsadimizga erisha oldik".
Eslatib o‘tamiz, "Chelsi"ning keyingi bahsi "Brayton"ga qarshi kechadi.