Yilning eng yaxshi futzal murabbiyi sovrinini qo‘lga kiritgan Bahodir Ahmedov (O‘zbekiston futzal terma jamoasi va “Huaxin-Jizzax” klubi bosh murabbiyi) o‘z fikrlari bilan o‘rtoqlashdi.
- Yilning eng yaxshilarini taqdirlash marosimi juda yuqori saviyada tashkil etildi, buning uchun tashkilotchilarga rahmat aytish joiz. Mukofot birgina meniki emas, O‘zbekiston futzalini rivojlantirishda jonbozlik ko‘rsatayotgan barcha murabbiylar, futzalchilar, mutasaddilar, muxlislar, boringki shu sohaga hissa qo‘shayotgan har bir insonga tegishli.
Ayniqsa, murabiylik bo‘yicha hanuzgacha maslahatlarini ayamay kelayotgan ispaniyalik Xose Mariya Mendez, ayni paytda jamoamizda ishlayotgan har ikkala ispaniyalik murabbiylar, yordamchim Nodir Eliboyevga alohida tashakkurimni bildiraman. Ishlashda davom etamiz, qolganini hayotning o‘zi ko‘rsatadi.
