Йилнинг энг яхши футзал мураббийи совринини қўлга киритган Баҳодир Аҳмедов (Ўзбекистон футзал терма жамоаси ва “Ҳуахин-Жиззах” клуби бош мураббийи) ўз фикрлари билан ўртоқлашди.
- Йилнинг энг яхшиларини тақдирлаш маросими жуда юқори савияда ташкил этилди, бунинг учун ташкилотчиларга раҳмат айтиш жоиз. Мукофот биргина меники эмас, Ўзбекистон футзалини ривожлантиришда жонбозлик кўрсатаётган барча мураббийлар, футзалчилар, мутасаддилар, мухлислар, борингки шу соҳага ҳисса қўшаётган ҳар бир инсонга тегишли.
Айниқса, мурабийлик бўйича ҳанузгача маслаҳатларини аямай келаётган испаниялик Хосе Мария Мендез, айни пайтда жамоамизда ишлаётган ҳар иккала испаниялик мураббийлар, ёрдамчим Нодир Элибоевга алоҳида ташаккуримни билдираман. Ишлашда давом этамиз, қолганини ҳаётнинг ўзи кўрсатади.
