“Bavariya” himoyachisi Lukas Ernandes “Oltin to‘p”ni 2021 yil oxirida “PSJ” hujumchisi Lionel Messi emas, uning jamoadoshi Robert Levandovski olishi kerak edi, degan fikrni bildirdi.
Mukofot Argentina terma jamoasi bilan 2021 yilda Amerika kubogini qo‘lga kiritgan Messiga topshirildi. Levandovski ovoz berishda ikkinchi o‘rinni egalladi.
“Menimcha, Levandovski bu sovringa loyiq. U ajoyib mavsum o‘tkazdi va tarix yaratdi. Messi Argentina bilan muvaffaqiyatga erishdi, lekin u Levandovski kabi barqaror emas edi”, - dedi Ernandes Kicker nashriga bergan intervyusida.
2020/2021 yilgi mavsumda 33 yoshli Levandovski Bundesligada 41 ta gol urib, Gerd Myullerning rekordini yangiladi, 2021 yil taqvimida esa barcha musobaqalarda 69 ta gol bor. Avvalroq Kicker polyakni yil odami deb e’lon qilgan edi.