“Бавария” ҳимоячиси Лукас Эрнандес “Олтин тўп”ни 2021 йил охирида “ПСЖ” ҳужумчиси Лионел Месси эмас, унинг жамоадоши Роберт Левандовски олиши керак эди, деган фикрни билдирди.

Мукофот Аргентина терма жамоаси билан 2021 йилда Америка кубогини қўлга киритган Мессига топширилди. Левандовски овоз беришда иккинчи ўринни эгаллади.

“Менимча, Левандовски бу совринга лойиқ. У ажойиб мавсум ўтказди ва тарих яратди. Месси Аргентина билан муваффақиятга эришди, лекин у Левандовски каби барқарор эмас эди”, - деди Эрнандес Киcкеr нашрига берган интервьюсида.

2020/2021 йилги мавсумда 33 ёшли Левандовски Бундеслигада 41 та гол уриб, Герд Мюллернинг рекордини янгилади, 2021 йил тақвимида эса барча мусобақаларда 69 та гол бор. Аввалроқ Киcкеr полякни йил одами деб эълон қилган эди.