«Manchester Yunayted» bosh murabbiyi Ralf Rangnik APL doirasida «Nyukasl»ga qarshi o‘yin (1:1) natijalarini sarhisob qildi.

«O‘yinimiz menga umuman yoqmadi. Bir necha daqiqani hisobga olmaganda, bugun o‘yinni nazorat qila olmadik.

Hammasi energiya, fitnes va g‘alaba qozonish haqida - biz bu komponentlarda oqsadik. Yaxshi xabar shundaki, ochko oldik, ammo o‘yin bundanda yaxshiroq bo‘lishi kerak edi.

Raqobatbardosh jamoa bo‘lishni istasangiz, jismonan kuchli bo‘lishingiz kerak.

Bugungi kunda bizning eng katta muammomiz - xatolar. Hisobni tenglashtirganimizdan keyin ham vaziyatni nazorat qila olmadik, to‘g‘ri qarorlar qabul qila olmadik. Gap sxema haqida emas, balki o‘yindagi tajovuzkorlik haqida ketyapti.

Bugun na to‘p bilan o‘yindan, na bosim o‘tkazishimiz kerak bo‘lgan daqiqalardan ko‘nglim to‘lmadi», - deydi nemis mutaxassisi.