«Nyukasl» bosh murabbiyi Eddi Xau Angliya chempionatining 19-turidan o‘rin olgan «Manchester Yunayted»ga (1:1) qarshi o‘yin haqida gapirdi.
«G‘alaba qozona olmaganimizdan juda xafaman. Bunga haqli edik. Yigitlar o‘yin rejasini ajoyib tarzda bajarishdi, biz maydon markazida juda yaxshi himoyalanishimiz kerak edi.
O‘ylashimcha, yaxshi o‘ynadik va durangga loyiq emasdik. De Xea Migel Almironning zarbasini qanday qilib qaytarib qolganini bilmayman.
Bugun biz chindan ham «Manchester Yunayted»ga qarshi haqiqiy kurash olib bordik. Agar omadsizlik bo‘lmaganida, biz g‘alaba qozonishimiz mumkin edi», - deydi Xau.
Ma’lumot uchun, «Nyukasl» 11 ochko bilan turnir jadvalining so‘nggi o‘rnida, «Yunayted» esa 28 ochko bilan yettinchi o‘rinda bormoqda.
