"Liverpul" ustozi Yurgen Klopp APLda 5ta o‘zgartirish amalga oshirish kerak deb hisoblaydi. U bu haqida shunday deydi:

"Turnir beshta o‘zgartirishsiz haqiqiy muammoga aylanadi. Siz o‘z futbolchilaringizni virus yoki jarohatdan tuzalib qaytishini kutasiz. Ular qaytgan zahoti o‘ynashi kerak. Chunki oldinda tig‘iz taqvim bor. Shunday ekan, siz ularni maydonga tashlaysiz. Ammo futbolchilar yana tezda safdan chiqadi.

Chunki safga qaytgan futbolchilar odatda 60 daqiqadan ortiq o‘ynashga qiynalishadi. Ha, futbol ajoyib o‘yin. Ha, APL kuchli liga. Ha, boksing dey kunlaridan o‘ynash yoqimli. Biroq vaziyatni ko‘ra-bila turib, uchta o‘zgartirishda qolish — muammolarni chigallashtiradi".

Eslatib o‘tamiz, "Liverpul" bugun "Lester" bilan to‘qnash keladi.