Italiya OAVlarining xabar berishicha, "Yuventus" hujumchi Paulo Dibaladan bir necha hafta oldin tomonlar erishgan kelishuv shartlarini o‘zgartirishni so‘raydi.
Argentinalik va Turin klubi avvalroq 2026 yilgacha bo‘lgan shartnoma bo‘yicha kelishuvga erishgan edi, bu esa futbolchiga yiliga 10 million yevroga yaqin daromad keltiradi – 8 million yevro maosh va yana 2 million yevro bonus.
La Gazzetta dello Sport xabariga ko‘ra, muammo yuzaga kelgan. "Yuventus" Dibalaning jarohat olishiga moyilligi tufayli futbolchi bilan shartnoma shartlarini o‘zgartirmoqchi. Paulo joriy mavsumda 9ta o‘yinni o‘tkazib yubordi va 17ta o‘yinda 8ta gol urgan “Yuve”ning eng yaxshi to‘purari bo‘lishiga qaramay, bu mavsumda Turin klubida o‘ynagan daqiqalar bo‘yicha bor-yo‘g‘i 11-o‘rinni egallab turibdi.
