Angliya terma jamoasi va Londonning "Chelsi" klubi chap qanot himoyachisi Ben Chiluell jarohat sabab mavsumning qolgan qismini ham lazaretda o‘tkazib yuborishi ma’lum bo‘ldi.
Xabarlarga ko‘ra, futbolchi jarrohlik amaliyotini o‘tkazdi. Bunda uning jarohatni tiklash uchun yana vaqt kerakligi, shuning uchun "aristokratlar"ga mavsumning ikkinchi qismida ham yordam berolmasligi aniq bo‘ldi.
Ma’lumot uchun, 25 yoshli himoyachi Chempionlar ligasi guruh bosqichidan o‘rin olgan "Yuventus"ga qarshi o‘yinning 70-daqiqasida jarohat olgandi.
