Asosiy tarkibdan so‘ng Abduhamid Qodirov murabbiyligidagi o‘rinbosarlarimiz ham qisqa muddatli ta’tilga chiqdi.
20 dekabrdan e’tiboran yangi mavsumga tayyorgarlikni boshlagan yoshlarimiz kecha yig‘inning birinchi bosqichini yakunladi. Avval ma’lum qilganimizdek, mashg‘ulotlarda asosan yangi futbolchilar, aniqrog‘i, akademiyamiz tarbiyalanuvchilari ishtirok etdi. “Bunyodkor U-18”, “Bunyodkor 2-liga”ning barcha tarkiblaridan jami 40 nafarga yaqin “qaldirg‘och” murabbiylar shtabining ishonchini qozonish uchun harakat qildi. Avvaliga 25 dekabr kuni jamoa ikki tarkibga bo‘linib o‘zaro o‘yin o‘tkazgan bo‘lsa, kecha yana raqobatchi o‘yinchilar kuch sinashdi. Shu tariqa tayyorgarlikning birinchi bosqichiga yakun yasaldi. Yig‘inning ikkinchi bosqichi 5 yanvardan boshlanadi.
"Bunyodkor" klubi matbuot xizmati
