Асосий таркибдан сўнг Абдуҳамид Қодиров мураббийлигидаги ўринбосарларимиз ҳам қисқа муддатли таътилга чиқди.
20 декабрдан эътиборан янги мавсумга тайёргарликни бошлаган ёшларимиз кеча йиғиннинг биринчи босқичини якунлади. Аввал маълум қилганимиздек, машғулотларда асосан янги футболчилар, аниқроғи, академиямиз тарбияланувчилари иштирок этди. “Бунёдкор U-18”, “Бунёдкор 2-лига”нинг барча таркибларидан жами 40 нафарга яқин “қалдирғоч” мураббийлар штабининг ишончини қозониш учун ҳаракат қилди. Аввалига 25 декабрь куни жамоа икки таркибга бўлиниб ўзаро ўйин ўтказган бўлса, кеча яна рақобатчи ўйинчилар куч синашди. Шу тариқа тайёргарликнинг биринчи босқичига якун ясалди. Йиғиннинг иккинчи босқичи 5 январдан бошланади.
"Бунёдкор" клуби матбуот хизмати
