Angliyaning «Liverpul» klubi sobiq himoyachisi Jeymi Karrager «Chelsi» (2:2) klubiga qarshi bo‘lib o‘tgan o‘yindan keyin, nima uchun Yurgen Klopp jamoasi joriy mavsum chempion bo‘la olmasligini gapirdi.

«Mana nima uchun «Liverpul» joriy mavsum chempion bo‘la olmaydi. «Liverpul» xuddi «Manchester Siti» kabi joriy mavsum 17 ta uchrashuvda hisobda oldinda bordi. «Manchester Siti» o‘sha uchrashuvning barchasida g‘alaba qozondi, «Liverpul» bo‘lsa o‘sha o‘yinlarning 12 tasida g‘olib bo‘ldi.

Joriy mavsumda «Liverpul» o‘yinni o‘z nazoratiga ola bilmayapti. Biz buni bugun va «Tottenxem»ga qarshi o‘yinda ko‘rdik», – dedi Karrager.