Madridning «Real» klubi darvozaboni Tibo Kurtua La Liga doirasida «Xetafe» jamoasidan qabul qilib olingan mag‘lubiyat haqidagi fikrlari bilan o‘rtoqlashdi.

«Har doim bunday raqibga qarshi o‘ynash qiyin bo‘ladi. Bu jamoa so‘nggi paytlarda juda kam gol o‘tkazib yubormoqda, shu sababli, sabrli bo‘lishimizni avvaldan bilgandik. Afsuski, biz ancha erta hisobda ortda qoldik, bu esa raqib o‘zini qulay his qilishiga zamin yaratdi. Ko‘plab vaziyatlarni sodir etdik, lekin bu yetarli bo‘lmadi».

Mag‘lubiyatga uchradik, lekin oldinga qadam tashlashda davom etishimiz kerak. Umid qilamanki, bu hafta ikkila o‘yinda ham g‘alaba qozona olamiz – chorshanba Kubok o‘yinida, yakshanba kuni esa «Valensiya»ga qarshi bahsda.

G‘alaba qozonish oson emas va bu biz uchun jiddiy ogohlik qo‘ng‘irog‘i bo‘lishi kerak. Bilamiz, La Liganing taqdiri may oyida oydinlashadi – chempionlik yanvar oyida qo‘lga kiritilmaydi. Davom etishimiz kerak» - dedi Kurtua.