Мадриднинг «Реал» клуби дарвозабони Тибо Куртуа Ла Лига доирасида «Хетафе» жамоасидан қабул қилиб олинган мағлубият ҳақидаги фикрлари билан ўртоқлашди.

«Ҳар доим бундай рақибга қарши ўйнаш қийин бўлади. Бу жамоа сўнгги пайтларда жуда кам гол ўтказиб юбормоқда, шу сабабли, сабрли бўлишимизни аввалдан билгандик. Афсуски, биз анча эрта ҳисобда ортда қолдик, бу эса рақиб ўзини қулай ҳис қилишига замин яратди. Кўплаб вазиятларни содир этдик, лекин бу етарли бўлмади».

Мағлубиятга учрадик, лекин олдинга қадам ташлашда давом этишимиз керак. Умид қиламанки, бу ҳафта иккила ўйинда ҳам ғалаба қозона оламиз – чоршанба Кубок ўйинида, якшанба куни эса «Валенсия»га қарши баҳсда.

Ғалаба қозониш осон эмас ва бу биз учун жиддий огоҳлик қўнғироғи бўлиши керак. Биламиз, Ла Лиганинг тақдири май ойида ойдинлашади – чемпионлик январь ойида қўлга киритилмайди. Давом этишимиз керак» - деди Куртуа.