Rossiyaning «Krasnodar» klubi «Atletiko Mineyro»ning paragvaylik himoyachisi Xunior Alonsoning transferi bo‘yicha muzokaralarni davom ettirmoqda, deb xabar beradi Torcedores.

Manbaga ko‘ra, Rossiya klubi oldingi taklifini 10 million yevroga oshirgan. Transfer yaqin kunlarda amalga oshirilishi mumkin.

«Krasnodar» futbolchiga yiliga ikki million yevro maosh bilan 2025 yilning yoziga qadar shartnoma taklif qiladi.

28 yoshli Xunior Alonso 2020 yilning yozidan buyon «Atletiko Mineyro» safida to‘p suradi. Umuman olganda, u barcha turnirlar doirasida klub uchun 88 ta o‘yin o‘tkazib, ikkita gol urdi va uchta golga assistentlik qildi.

U Paragvay terma jamoasi safida 44 ta o‘yin o‘tkazib, 2 ta gol urgan.