Россиянинг «Краснодар» клуби «Атлетико Минейро»нинг парагвайлик ҳимоячиси Хуниор Алонсонинг трансфери бўйича музокараларни давом эттирмоқда, деб хабар беради Torcedores.

Манбага кўра, Россия клуби олдинги таклифини 10 миллион еврога оширган. Трансфер яқин кунларда амалга оширилиши мумкин.

«Краснодар» футболчига йилига икки миллион евро маош билан 2025 йилнинг ёзига қадар шартнома таклиф қилади.

28 ёшли Хуниор Алонсо 2020 йилнинг ёзидан буён «Атлетико Минейро» сафида тўп суради. Умуман олганда, у барча турнирлар доирасида клуб учун 88 та ўйин ўтказиб, иккита гол урди ва учта голга ассистентлик қилди.

У Парагвай терма жамоаси сафида 44 та ўйин ўтказиб, 2 та гол урган.