Madridning «Real» klubi bosh murabbiyi Karlo Anchelotti Ispaniya Kubogining 1/16 final doirasida «Alkoyano» jamoasiga qarshi bo‘lib o‘tadigan o‘yindan oldingi fikrlari bilan o‘rtoqlashdi.

«Bu butunlay boshqacha o‘yin bo‘ladi, chunki bu bitta o‘yindan iborat bo‘ladi va biz safarda o‘ynaymiz. Ispaniya Kubogi – biz uchun muhim musobaqa. Maqsadimi – turnirda g‘olib chiqish. Bu o‘yinda biz g‘alaba qozonishimiz kerak.

Biz faqat tarkib yoki mahorat borasida emas, amalda ham kuchli bo‘lishimiz kerak. Bizga shuningdek, konsentrasiya, yakka kurashlarda ustunlik va maydonda sovuqqonlik kerak. Biz maydonda shularni namoyish qilishimiz kerak.

Men jamoamga juda qattiq ishonaman, ular bu o‘yinga jiddiy tayyorlanishdi. Biz bu o‘yinga jiddiy qaraymiz. Agar turnirda g‘olib chiqmoqchi bo‘lsak, har bir o‘yinga jiddiy qarashimiz kerak.

Raqibimizni hurmat qilishimiz va ular bizga qanday muammolarni keltirib chiqarishlari mumkinligini bilishimiz kerak. Men kuchli tarkibni maydonga tushiraman, lekin tarkibda biroz o‘zgarish bo‘ladi.

Benzema, Mendi va Modrichlar kabi "Xetafe"ga qarshi o‘yindan keyin qiyinchiliklarga duch kelgan futbolchilar bor», – dedi Anchelotti.