Ispaniya kubogining 1/16 final bosqichi doirasida dastlabki o‘yin bo‘lib o‘tdi. "Espanyol" klubi safarda quyi liga jamoasi "Ponferradina" mehmoni bo‘lib, qiyin g‘alabaga erishdi.

Bahsning 4-daqiqasida kataloniyaliklar Adria Pedrosaning goli evaziga hisobni ochishgandi. Ammo o‘yin tugashiga 2 daqiqa qolganida mezbonlar Yuri Fonsekaning penaltidan kiritgan to‘pi evaziga muvozanatni tiklashdi.

Qo‘shimcha bo‘limlarda hisob o‘zgarmagani uchun navbat penaltilar seriyasiga berildi. "Lotereya"da omad "Espanyol"ga kulib boqdi — 3:1.

Ispaniya kubogi, 1/16 final
"Ponferradina" – "Espanyol" - 1:1 (0:1)
Gollar: Pedrosa, 4 - 0:1, Fonseka, 88 (s penalti) - 1:1
Penaltilar seriyasi - 1:3
"Ponferradina": Puch, Rodriges (Adot, 67), Pashkanu, Kopete, Pujol, Anton (Medina, 67), Rodriges (Kike Saverio, 78), Naranxo (Kuki, 78), Enrik (Oxeda, 38), Fonseka, Espiau (Krespo, 102).
"Espanyol": Diyego Lopes, Kabrera, Serji Gomes, Pedrosa, Melamed (Embarba, 46), Darder (Merida, 113), Bare, Aleish Vidal (Xil, 59), Puado (U Ley, 87), de Tomas (Dimata, 72), Moron (Karreras, 72).
Ogohlantirishlar: Fonseka (90), Embarba (101), Pujol (114), Xil (116).