Испания кубогининг 1/16 финал босқичи доирасида дастлабки ўйин бўлиб ўтди. "Эспаньол" клуби сафарда қуйи лига жамоаси "Понферрадина" меҳмони бўлиб, қийин ғалабага эришди.

Баҳснинг 4-дақиқасида каталонияликлар Адриа Педросанинг голи эвазига ҳисобни очишганди. Аммо ўйин тугашига 2 дақиқа қолганида мезбонлар Юри Фонсеканинг пенальтидан киритган тўпи эвазига мувозанатни тиклашди.

Қўшимча бўлимларда ҳисоб ўзгармагани учун навбат пенальтилар сериясига берилди. "Лотерея"да омад "Эспаньол"га кулиб боқди — 3:1.

Испания кубоги, 1/16 финал
"Понферрадина" – "Эспаньол" - 1:1 (0:1)
Голлар: Педроса, 4 - 0:1, Фонсека, 88 (с пенальти) - 1:1
Пенальтилар серияси - 1:3
"Понферрадина": Пуч, Родригес (Адот, 67), Пашкану, Копете, Пужоль, Антон (Медина, 67), Родригес (Кике Саверио, 78), Наранхо (Куки, 78), Энрик (Охеда, 38), Фонсека, Эспиау (Креспо, 102).
"Эспаньол": Диего Лопес, Кабрера, Сержи Гомес, Педроса, Меламед (Эмбарба, 46), Дардер (Мерида, 113), Баре, Алеиш Видаль (Хиль, 59), Пуадо (У Лэй, 87), де Томас (Димата, 72), Морон (Каррерас, 72).
Огоҳлантиришлар: Фонсека (90), Эмбарба (101), Пужоль (114), Хиль (116).