"Real"ning braziliyalik sardori Marselo "Trabzonspor"ga o‘tishi mumkin, deya xabar beradi "Sporx".

Manba bergan xabarga ko‘ra, turk klubi allaqachon himoyachiga yillik maoshi 2,5 million yevro bo‘lgan taklif bilan chiqqan. Eslatib o‘tamiz, ushbu yozda Marselo erkin agentga aylanadi.

Shu bilan birga, braziliyalik futbolchi faoliyatini shu yil yakunlamoqchi ekanligini ma’lum qilgan edi. Ma’lumot uchun, himoyachi "Real"da 2007 yilning yanvaridan beri o‘ynab kelmoqda. U joriy mavsumda 6 ta o‘yinda maydonga tushdi.