“Chelsi” bosh murabbiyi Tomas Tuxel Angliya liga kubogi yarim finalidagi “Tottenxem” bilan uchrashuv arafasida jamoaning yana ikki asosiy o‘yinchisi – himoyachi Tiago Silva va asosiy yarimhimoyachi Ngolo Kanteda koronavirus testi ijobiy chiqqanligini ma’lum qildi, deya xabar bermoqda matbuot xizmati. 

Taxminan bir hafta oldin, londonliklar pandemiyaning yangi to‘lqini davrida allaqachon katta muammolarga duch kelishgan. Keyin klub vakillari Angliya chempionati rahbariyati va boshqa mutasaddilarni qarorlari uchun faol tanqid qilishdi.

Yana shuni oydinlashtirib o‘tish joizki, “Chelsi”ning natijalari so‘nggi paytlarda keskin pasayib ketdi - Tuxelning shogirdlari bir necha o‘yinda Premyer-liga chempionligi uchun kurashdan chiqib ketdi.