"Manchester Yunayted"ning afsonaviy futbolchilaridan biri Rio Ferdinand Markus Reshfordni tanqid qildi. Olti marta APL chempioni bu haqida shunday deydi:
"Markuz Reshford so‘nggi o‘yinda zahiradan maydonga tushdi. Siz esa undan nimadir kuta boshlaysiz. O‘yinni o‘zgartira oladigan futbolchiga muhtojlik sezilayotgan edi. Ammo Reshford unday qila olmadi. Ko‘p vaziyatlarda to‘pni yo‘qotdi. Bunga futbolchining reaksiyasi esa siz istagandek emasdi. Bu esa uning kayfiyatiga bevosita ta’sir qiladi, albatta.
Ammo sen asosiy jamoadan ajralib qolganingda, zarracha imkondan ham murabbiyga nimalarga qodir ekaningni isbot qilishga harakat qilishing kerak. Balki Reshford o‘zi loyiq deb bilgan o‘ringa ega bo‘la olmayotgandir. Shu uchun ham xafadir, buni bilmayman. Nima bo‘lgan taqdirda ham siz harakatdan to‘xtamasligingiz kerak".
Eslatib o‘tamiz, "MYU" keyingi bahsini kubok doirasida "Aston Villa"ga qarshi o‘tkazadi.
