“Barselona” hujumchisi Usmon Dembelening kelajagi noma’lumligicha qolmoqda. Fransiyalik futbolchining amaldagi shartnomasi mavsum oxirida tugaydi va yangi bitim bo‘yicha muzokaralar davom etmoqda. 

“Sky Sport” jurnalisti Florian Plattenberg tvitterda xabar berishicha, “Barselona” bosh murabbiyi Xavi Dembelening talablari haqida ma’lumot olganida dahshatli summa ekanligini aytgan. Gap soliqlarni hisobga olmaganda 43 million yevro maosh va 7 million yevro bonus to‘lovlari haqida bormoqda.

2021/2022 yilgi mavsumda Usmon Dembele “Barselona” safida 9 ta o‘yin o‘tkazdi. Hujumchi bitta gol va ikkita golli uzatmani amalga oshirdi.