“Барселона” ҳужумчиси Усмон Дембеленинг келажаги номаълумлигича қолмоқда. Франциялик футболчининг амалдаги шартномаси мавсум охирида тугайди ва янги битим бўйича музокаралар давом этмоқда.
“Sky Sport” журналисти Флориан Платтенберг твиттерда хабар беришича, “Барселона” бош мураббийи Хави Дембеленинг талаблари ҳақида маълумот олганида даҳшатли сумма эканлигини айтган. Гап солиқларни ҳисобга олмаганда 43 миллион евро маош ва 7 миллион евро бонус тўловлари ҳақида бормоқда.
2021/2022 йилги мавсумда Усмон Дембеле “Барселона” сафида 9 та ўйин ўтказди. Ҳужумчи битта гол ва иккита голли узатмани амалга оширди.
