“Manchester Yunayted” hujumchisi Antoni Marsyal “Nyukasl”ning navbatdagi transfer maqsadiga aylandi. “The Times” nashrining yozishicha, Angliya chempionati autsayderi joriy mavsum yakuniga qadar hujumchini ijaraga olmoqchi.
Avvalroq, fransiyalik hujumchiga Ispaniyaning “Sevilya” klubidan qiziqish borligi haqida xabarlar tarqalgandi, biroq muzokaralar jarayoni to‘xtab qolgan.
Antoni bu yil Premyer-liganing yettita o‘yinida maydonga tushdi va bitta gol muallifiga aylangan.
Eslatib o‘tamiz, “Nyukasl” kecha yanvar oyidagi ilk transferni amalga oshirdi. Himoyachi Kiran Trippyer “qirqlik” safiga qo‘shildi.