Hujumchi Alvaro Morata faoliyatini Kataloniyaning “Barselona” jamoasida davom ettirmoqchi, ammo transferga “Yuventus” bosh murabbiyi Massimiliano Allegri xalaqit bermoqda. 

AS nashri xabariga ko‘ra, italiyalik murabbiy qishda hujumchi bilan xayrlashmoqchi emas. Mutaxassisning qarori Moratani xafa qildi. Alvaro transfer oynasi tugaguniga qadar vaziyat o‘zgarishiga umid qilmoqda va u “ko‘k-anorranglilar” safiga qo‘shila olishiga umid qilmoqda.

Avvalroq Morata “Barselona” bilan muzokaralar olib borgani va 1,5 yillik shartnoma borasida kelishib olgani haqida xabar berilgandi.