Ҳужумчи Алваро Мората фаолиятини Каталониянинг “Барселона” жамоасида давом эттирмоқчи, аммо трансферга “Ювентус” бош мураббийи Массимилиано Аллегри халақит бермоқда.
АS нашри хабарига кўра, италиялик мураббий қишда ҳужумчи билан хайрлашмоқчи эмас. Мутахассиснинг қарори Моратани хафа қилди. Алваро трансфер ойнаси тугагунига қадар вазият ўзгаришига умид қилмоқда ва у “кўк-анорранглилар” сафига қўшила олишига умид қилмоқда.
Аввалроқ Мората “Барселона” билан музокаралар олиб боргани ва 1,5 йиллик шартнома борасида келишиб олгани ҳақида хабар берилганди.
