“Leparisien.fr” nashri xabariga ko‘ra, 23 yoshli fransiyalik hali kelajagi haqida bir qarorga kelmagan. Qayd etilishicha, uning oldida voqealar rivoji uchun ikkita variant bor – “Real”ga o‘tish yoki PSJ bilan yangi ikki yillik shartnoma imzolash. Ayni damda hujumchi birinchi variantga intilmoqda, ammo ikkinchi variantni ham istisno etmayapti. 

Mbappening PSJ bilan amaldagi shartnomasi 2022 yilning yoziga qadar tuzilgan. Joriy mavsumda u parijliklar safida barcha turnirlarda 25 ta o‘yin o‘tkazib, 18 ta gol urdi va 15 ta golli uzatmani amalga oshirdi.