“Leparisien.fr” нашри хабарига кўра, 23 ёшли франциялик ҳали келажаги ҳақида бир қарорга келмаган. Қайд этилишича, унинг олдида воқеалар ривожи учун иккита вариант бор – “Реал”га ўтиш ёки ПСЖ билан янги икки йиллик шартнома имзолаш. Айни дамда ҳужумчи биринчи вариантга интилмоқда, аммо иккинчи вариантни ҳам истисно этмаяпти.
Мбаппенинг ПСЖ билан амалдаги шартномаси 2022 йилнинг ёзига қадар тузилган. Жорий мавсумда у парижликлар сафида барча турнирларда 25 та ўйин ўтказиб, 18 та гол урди ва 15 та голли узатмани амалга оширди.
