«Jenoa» ustozi Andrey Shevchenko o‘z lavozimidan iste’foga chiqarilishi mumkin.

Ta’kidlanishicha, klub rahbariyati ukrainalik murabbiyni istefoga chiqarish borasida jiddiy o‘ylab ko‘rmoqda.

Bunga sabab jamoaning qoniqarsiz natijalarida. «Jenoa» Shevchenko tayinlanganidan beri A Seriyada 9 ta o‘yin o‘tkazdi va 6 ta mag‘lubiyatga uchrab, 3 bor durang o‘ynadi.

Ko‘rinib turganidek, jamoa birorta ham g‘alaba qozona olmadi. Bu rahbariyatni qoniqtiradigan natijalar emas va Shevchenko taqdiriga jiddiy ta’sir qiladi.