"Barselona" hujumchisi Martin Breytveyt bugun jamoaning umumiy guruhida mashg‘ulot o‘tkazdi.

Jarohati tufayli avgust oyidan beri maydonga tushmagan 30 yoshli daniyalik Ispaniya Superkubogi uchun "Real"ga qarshi o‘yin oldidan mashg‘ulotlarning bir qismini jamoa bilan o‘tkazdi.

Shuningdek, yarim himoyachi Frenki de Yong va himoyachi Ronald Arauxo ham qisqa vaqt umumiy guruhda ishladi. Ular jarohatlaridan qutilish arafasida.

Hujumkor yarim himoyachi Anssumane Fati ham bugun mashg‘ulot o‘tkazdi. Yusuf Demir va Erik Garsiya, Ferran Torres va Pedri hozircha mashqlarda ishtirok etmagan - ularda koronavirus uchun test ijobiy chiqdi.

Ma’lumoti uchun, "Real Madrid"ga qarshi o‘yin 12 yanvar kuni tunda bo‘lib o‘tadi.