Kongo Demokratik Respublikasi hujumchisi Sedrik Bakambu "Marsel"ga ko‘chib o‘tadi, dedi italiyalik jurnalist Fabrisio Romano Twitter sahifasida.
Tomonlar shartnoma imzolashi va kelishuvni rasman e’lon qilishi qoldi.
30 yoshli futbolchi hozirda erkin agent hisoblanadi. Uning so‘nggi klubi Xitoyning "Beyjing Goan" klubi edi. Yevropada “Sosho”, “Bursaspor” va “Vilyarreal” kabi klublarda o‘ynagan.
O‘tgan mavsumda hujumchi Xitoy klubi safida 13 ta o‘yinda maydonga tushib, 5 ta gol va bitta golli uzatmaga mualliflik qilgan.
